Ricette
Home Ricette Poesie Palermo Monte Jato

 

 

ANTIPASTI
Panelle

Cazzilli

Alivi Fritti

MINESTRE
Minestra di Ciciri

Minestra di Tinnirumi

Favi Sicchi

Favi Sicchi Arricuti

PASTA
Pasta cu Agghia, Ogghiu e Pipiruncinu

Pasta cu li Brocculi Riminati

Lasagni Cacati

Pasta cu li Sardi

SECTION 4
Title Goes Here 1
Title Goes Here 2
Title Goes Here 3
Title Goes Here 4
Title Goes Here 5

Title Goes Here 6

 

Panelle

Dintra mezzu litru d'acqua salata e fridda jttàtici 200 grammi di farina di ciciri e cu 'na cucchiara di lignu riminati e riminati.
Pigghiati la pignata e sempri riminannu faciti còciri la farina finu a falla 'ncuddari tutta.
A 'stu puntu pigghiati 'n'anticchia di pitrusinu tritatu e siminaticcillu dintra.
Ora scinniti la pignata, pigghiati li furmi di lignu fatti apposta e cu 'na palittedda mittitici di supra la pasta e cantiatili 'sti furmi, una pi una, pi falli arripusari.
Friddi chi sunnu livati li panelli di la furma e jttatili dintra 'na padedda cu ogghiu di semi vugghenti
Facitili natari 'ntra l'ogghiu rivutannuli a momentu giustu e scinnitili cavudi cavudi.

Cazzilli

Passati cu un crivu di sita un chilu di patati vugghiuti e dopu aviri 'miscatu 'n'anticchia d'agghia sminuzzata, 'n'anticchia di pitrusinu, sali e pipi, cuminciativi a priparari li cazzilli longhi e grossi quantu lu vuliti, ma nè cchiù longhi di lu vostru ditu mediu.
Pronti chi sunnu, mittitili a friiri dintra 'na padedda cu ogghiu di semi vugghenti.
A culuri giustu scinniti e mangiati.  Si vi fa piaciri, passati li cazzilli dintra lu biancu d'ovu sbattutu e supra lu pani grattatu, comu fannu nni la piana di Catania, e poi friitili.

Alivi Fritti

'Na dicina di alivi nivuri grossi e pulpusi a testa, lavatili e sculatili e ora jttatili dintra 'na padedda cu 'na stizza d'ogghiu e 'n'anticchia d'agghia pistata e facitili suffriiri appena appena.
A stu puntu allungati lu suffrittu cu mezzu biccheri di acitu di vinu e faciti svapurari a focu lentu 'na bona parti.
Saliatici di supra un pugniddu di arianu e dopu un minutu li alivi fritti sunnu beddi e pronti.
Manciatili cavudi cavudi.

 


A tavula ci voli facci di monacu

 

 


panelle.jpg (11295 bytes)
Panelle e Cazzilli


 

 

Carni e pisci, la vita ti crisci

 

 

 

olive.jpg (10677 bytes)
Alivi fritti

 


Cu mancia e nun vivi, mai saturu si criri

  Home Next Top of Page